MamonocolonY .. Days 糟米羔物

糟米羔物 :: INDEX

[妄想] 逆轉床板（2009.06.27）

不不不！秒殺毒品秘技（2009.06.20）

| PAGE-SELECT |

...

2009.06.27 Sat

[妄想] 逆轉床板

[糟糕警告]+[不自重]
如果沒玩過逆轉檢事可能不知道我在搞什麼

小御想野時個手指動動的, 眼睛咪一條線～～好ｑ～
另外"推理mode時"個思考樣好型呀!!!!!!!!!!

比如

≫ More..

...

2009.06.20 Sat

不不不！秒殺毒品秘技

[沒有分錯類, 糟糕警告生效]
[全場廣東語]

最近香港爆出了很多學生吸毒的消息!!!!
政府在教育層面上有所行動了。
於是今天友人Jun找到了一個奇妙的PDF…

(按此下載<<秒殺毒品秘技>> PDF - 6mb)

(精彩內容當然放在裡頭 lol)

≫ More..

[J]says:
(按此下載<<秒殺毒品秘技>> PDF - 6mb)
第二十八式．我偶像係禁毒之星，你叫我吸毒？！以後重駛去fan’s club 嘅！
第三十五式．我冇時間啊，一陣要去打blog。

我覺得d 標號太KAI d 學生會特別去吸毒

[J]says:
第六式．隊草？你以為你自己係隻牛啊？
第七式．除咗紅豆冰之外，我對其他冰係冇興趣嫁！

[N*] says:
腐女版本：我去睇土方比人吸2,3回合都唔會吸喇! 886!
紅豆冰<<好笑...lol

[J]says:
你同阿捷d 思想好似xddd

from 捷
腐女:毒?我個腦仲毒喎, 得唔得閒?同你講bl

[N*] says:
XDDDDDDDDDDDDDDDDDD

[J]says:
from高登
不如試下句式仿作：
1. 你俾K仔我食, 我派你膠架
2. 食K仔不如放狗仔
3. 索K ? 你講Kay好索呀?

真係可以出返本腐向叫青少年戒毒同人sosad

[N*] says:
銀時：吸毒？不如睇土方吸ＪＪ(我o個條)！

[N*] says:
係得喎, 903咪有句叫"不不不"
我估腐女版是"不(要)不(要)不(要)"

[N*] says:
第三式．食丸仔不如食壽司啦。 <<怪怪地XD
第十九式．食白粉不如食米粉啦。 << ok喎
第三十六式．吸毒咁嘥錢，買件衫好過啦！<<實際來說幾有力

[J]says:
第三式．食丸仔不如食明將壽司啦。 <<<咁呢？
第三十五式．我冇時間啊，一陣要去睇GV，有冇興趣一齊睇？仲high過你隊草~

[N*] says:
爆XD

第十六式．我好忙啊，一陣去打波，一齊吖！
>>我好忙啊，一陣去打飛機，一齊吖！
又或者
第十四式．好high?去Party我見到個DJ自然high。
>>好high?去男廁我見到土方自然high。

[J]says:
笑到肚痛!!!
好gay好正xddd

[N*] says:
>第六式．氯胺酮？明星嚟？我想要個簽名喎！ <<呢d就唔掂喇咁弱

[J]says:
好似老細要你3分鐘內嘔100句標語咁頹

[N*] says:
第十六式．我好忙啊，一陣去打波，一齊吖！
>>我好忙啊，一陣去屌屎忽，一齊吖！
腐女版的話就可以作好多既

[J]says:
腐女版好正~~~

[N*] says:
第二十九式．吸毒嘅就唔係我嘅巴打！我唔推推你架！
>>吸毒嘅就唔係我嘅碰友！我唔推推倒你架！... 於是小受受就回歸正途了。

第十八式．亞哥話衫可以亂著，但藥唔可以亂食。
--->老師話~~(高)~~杉可以亂屌，但藥唔可以亂食。

[J]says:
nene #adore#

[N*] says:
>第三十三式．白粉係咪即係白汁意粉？
...北極熊會死

[J]says:
死q晒la!

銀：我冇時間啊，一陣要去屌土方。
銀：刺激？！今晚場友誼波仲刺激喎！一齊玩丫！

[N*] says:
好有說服力呀!!!!!!!!!!!!!!!

[完]

以下是PDF全文

秒殺毒品秘技
獨門拒毒殺手鐧
KO毒品必殺技

第一招
直接拒毒波動拳
堅定重拳痛擊誘惑之徒
快打旋風抓出隱藏毒品

第一式．食呢啲丸仔會上癮，咪攪我！
第二式．毒品派對？！唔去喇！走先喇！拜拜！
第三式．你叫我吸毒？你唔好屈我機啦！
第四式．你飲咳藥水，睇你幾時去……
第五式．你叫我索K？唔好搞GAG啦！
第六式．亞爸話嘢可以亂講，但藥唔可以亂食。
第七式．吸毒？唔好預我！
第八式．家姐話妝可以亂化，但藥唔可以亂食。
第九式．你飲咳藥水，小心個腎虛。
第十式．食大麻慘過甩牙啊，仲食？
第十一式．食白粉，O哂咀囉！
第十二式．食白粉，冇前途！
第十三式．吸毒好好玩咩？玩命有幾好玩？
第十四式．食大麻慘過蛀牙啊，仲食？
第十五式．咳藥水？我都冇咳！都係飲水算啦！
第十六式．我呢啲潮爆嘅先唔掂呢啲嘢！
第十七式．你真係超爆無聊囉！呢啲咁超癲嘅嘢唔啱我！
第十八式．亞哥話衫可以亂著，但藥唔可以亂食。

第十九式．你飲咳藥水，小心腦積水。
第二十式．食白粉，超低能！
第二十一式．你再叫我食埋啲咁嘅嘢我潛水架喇！
第二十二式．吸毒呢家嘢我就唔十卜喇！886！
第二十三式．食大麻，無謂啦。
第二十四式．亞媽話唔好亂咁放嘢落口。
第二十五式．你飲咳藥水，小心肺積水。
第二十六式．你叫我啪針？唔好搞GAG啦！
第二十七式．食白粉，太無品。
第二十八式．食大麻，你傻㗎？
第二十九式．吸毒嘅就唔係我嘅巴打！我唔推推你架！
第三十式．毒品唔係賣飛佛！
第三十一式．可卡因？即閃啦！
第三十二式．我先唔會咁頹走去啪丸！
第三十三式．我好忙啊，走先啦！
第三十四式．係朋友就唔好比啲咁嘅嘢我！
第三十五式．不可一．不可再！向遺憾說不！
第三十六式．我先唔會咁hea走去吸毒！

第二招
善用藉口迴避術
用藉口減低毒品命中率
婉拒毒品害人終極首腦

第一式．我唔得閒，走先啦！
第二式．唔好啦，我最怕就係食藥。
第三式．我冇時間啊，一陣要去溫書。
第四式．好刺激？踩單車激啲喎！
第五式．我冇時間啊，一陣要去訓覺。
第六式．隊草？你以為你自己係隻牛啊？
第七式．除咗紅豆冰之外，我對其他冰係冇興趣嫁！
第八式．索K？！唔好啦！打機好過啦！
第九式．我身於名門，無謂影衰家聲啦！
第十式．我又唔駛做手術，要嗎啡嚟做乜唓！
第十一式．我冇時間啊，一陣要去睇戲。
第十二式．索K？我係咪要笑㗎？
第十三式．食「K仔」係咪會無得生仔？
第十四式．好刺激？玩過山車激啲喎！
第十五式．要放鬆？沖個涼啦！
第十六式．我冇時間啊，一陣要去還書。
第十七式．天拿水？！你當我做裝修咩！？
第十八式．索K型？！會考攞A重型呀！

第十九式．悶就吸毒？！睇嚟你個腦悶壞咗喎...
第二十式．食白粉？！唔飽肚嫁喎！
第二十一式．隊草！？隊完之後淨係識笑，樣衰！
第二十二式．我冇時間啊，一陣要去行街。
第二十三式．吸毒減肥！？唔好喇，我男朋友對我身型好滿意呀！
第二十四式．我冇時間啊，一陣要去唱K。
第二十五式．刺激？！今晚場波仲刺激喎！一齊睇丫！
第二十六式．可樂？！唔係正版我唔飲嫁！
第二十七式．我冇時間啊，一陣要去聽歌。
第二十八式．我偶像係禁毒之星，你叫我吸毒？！以後重駛去fan’s club 嘅！
第二十九式．你估啪針好好玩啊？去打機好過！
第三十式．吸毒呢樣嘢一啲都唔型囉！要型大把計啦！
第三十一式．索K？係咪即係唱K會變索啲咁解先？
第三十二式．食麻辣火窩好過去食大麻啦！
第三十三式．白粉係咪即係白汁意粉？
第三十四式．你估打疫苗針咩！啪針？
第三十五式．我冇時間啊，一陣要去打blog。
第三十六式．走去吸毒咁無聊嘅嘢你都做得出？

第三招
反客為主究極奧義
主動出擊全力建議
先發制毒轉換話題

第一式．呢啲丸仔食壞腦呀，不如去睇戲仲好啦！
第二式．咁嘅「K仔」我先唔會食！去B仔度食涼粉好過！
第三式．食丸仔不如食壽司啦。
第四式．食白粉不如去食腸粉啦！
第五式．去唱K好過食「K仔」啦！
第六式．氯胺酮？明星嚟？我想要個簽名喎！
第七式．食「E仔」，不如食薯仔！
第八式．飲蘋果汁好過飲咳藥水啦。
第九式．食「E仔」，不如食雞蛋仔！
第十式．吸毒咁嘥錢，買條牛仔褲好過啦！
第十一式．食「K仔」，不如落灣仔！
第十二式．你做唔到我生意嫁！過主啦！
第十三式．好high?去Party我聽到音樂自然high。
第十四式．好high?去Party我見到個DJ自然high。
第十五式．食白粉不如食刺身啦。
第十六式．我好忙啊，一陣去打波，一齊吖！
第十七式．飲蒸餾水好過飲咳藥水啦。
第十八式．食「K仔」？不如食生菜魚肉啦！

第十九式．食白粉不如食米粉啦。
第二十式．飲檸檬茶好過飲咳藥水啦。
第二十一式．食「K仔」？不如食酸辣米線啦！
第二十二式．飲凍鴛鴦好過飲咳藥水啦。
第二十三式．丸仔我唔要啦，你請我食瀨尿牛丸啦！
第二十四式．吸毒咁嘥錢，買隻CD好過啦！
第二十五式．食「K仔」？不如食紅腸啦！
第二十六式．丸仔我唔要啦，你請我食包心丸啦！
第二十七式．飲熱奶茶好過飲咳藥水啦。
第二十八式．丸仔我唔要啦，你請我食豬肉丸啦！
第二十九式．食「K仔」？不如食茄子啦！
第三十式．食「E仔」，會考會唔會科科E，入唔到U㗎！
第三十一式．食「K仔」？不如食炸雲吞啦！
第三十二式．丸仔我唔要啦，你請我食醬爆蝦丸啦！
第三十三式．「K仔」？唱《K歌之王》好過啦！
第三十四式．吸毒咁嘥錢，買包橙好過啦！
第三十五式．食「K仔」，不如食雞包仔！
第三十六式．吸毒咁嘥錢，買件衫好過啦！

真的不要吸毒!
看多幾本糟糕本好過!!!
記住記住!

[再完]

▲ Close